Menuisier

L’an mil  six cent soixante
huict et le penultieme jour du moys de mars appres
midy a Bardonneche par devant moy Jean Agnes notaire royal
dudit lieu et presents les tesmoins soussignes sest
en personne estably honnete Aymar Lard feu Barthelemye natif
du lieu de Voreppe pres de Grenoble residant à Chaumont
me menuzier lequel de gré pour luy et les siens a
Cy dit et confessé avoir heu et receu tant par cy devant
que presentement de monsieur me mathieu agnes dudit
Bardonneche advocat en  la cour procureur estably pour
les consuls et communauté dudit lieu du luminaire de
la parroisse icy present stipulllant et acceptant pour

luy et toutsquil appartirndra entier payement de la somme
de troys cents douze livres a luy promizes par l’acte
de prisfait des formes et poulpitres du choeur de lesglize
de ladite parroisse en datte du septiesme mas mil six cents
soixante cinq cy devant registré ; et outre ce la somme de
septante huict livres pour le sallaire cinquante six journees
de travail de luy de Jaques Sibille et Françoys Remolif dudit Chaumont
ses ouvriers ou valetz employees de faire le plancher
du choeur de la ditte esglize la balustre deux coffres
un de boys de meleze et lautre de cerizier pour servir
à l’offertoire au cure et aux procureurs du luminaire
une chere de predicateur avecq le dessus le tout de
boys de noyer et de grand travail et accomoder
les bancs et les adjuster en l’estat quilz sont
et ce en deux foys; scavoir des le quatorze novembre
jusques au vingt deuxieme  de janvier passé jusques
a ce jour inclus pendant lequel temps ilz declarent
leur nourriture leur avoir esté fournie avecq les
autres chozes necessaires pour leur entretien par ledit
sieur agnes # declarant en outre quil luy a fait
fournir tous les boys de meleze de noyer et
cerizier serrures et ferrement necessaires pour
tout ce que dessus  + et comme bien content et satisfait
desdites troys cents douze livres du prix fait et le
sallaire des journées et autres travaulx de ladite
esglize Il en a quitté et quitte ledit sr agnes


et par son moyen les consuls et communauté
dudit lieu et tous autres quil appartiendra (?)
en vouloir faire ny permettre estre faicte autre reccherche
ayant le tout receu des mains et deniers du dit
sieur agnes procureur susdit de tout quoy a este requis
le present faict recitte dans la maizon dudit
sieur agnes en presence de messire Simon Roude
pretre docteur en theologie curé dudit Bardonneche
honneste Pierre Pellerin jadis consul dudit lieu
aussy procureur de ladite esglize et mer Benoict
Louis tesmoins requis et signés avecq ledit
sr Agnes non ledit Lard pour ne le scavoir de
ce enquis # tant tles festes que jours de travail
sauf et audit remotif qui a cessé dy travailler des
le premier febvrier passé + residus sur le lieu
les ferrures (?) travaillés
   AGNES                          SIMON ROUDE present
         LOUIS  present                PELLERIN  




Minutari Agnes Giovanni 1°, 30 03 1668
Mazzo 8
Atti dei notai della tappa di Susa
Archivio di Stato di Torino



Transcription M.A. Rochas



Home